Бірінші вице-премьер Ә. Смайыловтың төрағалығымен жаңа үлгідегі мектептерді салуға жұмсалатын шығындарды оңтайландыру бойынша кеңес өтті.

Білім беру саласындағы күн тәртібі бойынша өзекті мәселелерддің бірі оқушы орындарының тапшылығы, үш ауысымды оқыту және апатты мектептерді жою мәселелерін шешу болып табылады.

Бүгінгі күні өңірлерде 34 апатты және 151 үш ауысымды мектеп бар және барлық 17 өңір бойынша жалпы тапшылық 168 мыңнан астам оқушы орнын құрайды. Бұл ретте демографиялық трендтерге және жұмыс істеп тұрған мектептердің тозуына байланысты осы көрсеткіштің артуы болжанып отыр.

Аталған проблемаларды шешу мақсатында жыл сайын республикалық бюджеттен орта есеппен 175 млрд теңге бөлінеді. Бұл мәселені таяу болашақта тек мемлекеттік бюджет есебінен реттеу үлкен қаражат бөлуді талап етеді. Проблеманың баламалы шешімі ретінде әрбір оқушы үшін жан басына қаржыландыру форматындағы мемлекеттік қолдау құралын қамтитын МЖӘ жобаларын іске асыру болды.

Қолдау шараларының кеңейтілген пакетін жариялау жетекші отандық құрылыс салушылар тарапынан үлкен қызығушылық тудырды. Атап айтқанда, қазіргі уақытта BI-Group құрылыс холдингі жаңа буындағы «BINOM мектептерін» салуға және оған қатысу туралы ұсынысын қолға алды.

Холдинг еліміздің барлық өңірлерінде 170 мың орындық 50 мектепті кезең-кезеңімен салуды жоспарлап отыр. Мектептердің басым бөлігі тапшылық байқалған Нұр-Сұлтан, Алматы және Шымкент қалаларында салынады.

Жаңа буын мектептері неғұрлым заманауи материалдық-техникалық жабдықталуымен, мұғалімдер мен оқушылар үшін жоғары қолайлы жағдайларымен ерекшеленетін болады, есесіне оң әлеуметті нәтижеге қол жеткізіп қана қоймай, бюджет қаражатын айтарлықтай үнемдеуге мүмкіндік береді.

 Ә.Смайыловтың тапсырмасы бойынша барлық мектептер үшін жаңа құрылыс моделіне арналған техникалық жабдықтар мен жабдықтардың бірыңғай пакеті жасалады.

Жобаны іске асырудың 5 жылы өткеннен кейін мектептер мемлекет меншігіне өтетінін атап өту қажет. Бұл тәсілді қолдану білім беру инфрақұрылымын жақсартуға және оң әлеуметтік нәтижеге қол жеткізуге ғана емес, сонымен қатар бюджет қаражатын едәуір үнемдеуге мүмкіндік береді.