ҚР Премьер-Министрі Асқар Мамин қазақстандықтарды Құрбан айт мерекесімен құттықтады

ҚР Премьер-Министрі Асқар Мамин қазақстандық мұсылмандарды Құрбан айт мерекесімен құттықтады.

«Қазақстанның мұсылмандар қауымын күллі Ислам әлеміндегі ең ұлық мереке, мейірімділік пен адамгершілік, өзара жанашырлық сияқты ізгі амалдарға үндейтін қасиетті Құрбан айт мерекесімен құттықтаймын. Мұндай құндылықтар исі мұсылман қауымына ғана емес, өзге де дін өкілдері, біртұтас халқымыз үшін ортақ.

Әсіресе, қазіргідей күрделі кезеңде Алла Тағалаға сыйынып, мұқтаж жандарға қол ұшын созу Құрбан айттың қадір-қасиетін арттыра түседі.

Барлық қазақстандықтарға мықты денсаулық, құт-береке және Жаратқанның разылығы үшін жасаған ізгі ниеттері мен қайырымды істері сауаптан болсын деп тілеймін! 

 

Қазақстан Республикасының

Премьер-Министрі

Асқар Мамин».

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу