Қазақстан Республикасы Үкіметінің 2022 жылғы 17 қарашадағы №917 қаулысы

«Қазақстан Республикасы Үкіметінің және жергілікті атқарушы органдардың резервтерін пайдалану қағидаларын бекіту туралы және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2015 жылғы 25 сәуірдегі №325 қаулысына өзгеріс енгізу туралы

 

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Үкіметінің және жергілікті атқарушы органдардың резервтерін пайдалану қағидаларын бекіту туралы және Қазақстан Республикасы Үкіметінің кейбір шешімдерінің күші жойылды деп тану туралы» Қазақстан Республикасы Үкіметінің 2015 жылғы 25 сәуірдегі №325 қаулысына  мынадай өзгеріс енгізілсін: 

көрсетілген қаулымен бекітілген Қазақстан Республикасы Үкіметінің және жергілікті атқарушы органдардың резервтерін пайдалану қағидаларында:

4-тармақтың бірінші бөлігінің 2) тармақшасы мынадай редакцияда жазылсын:

«2) Қазақстан Республикасының Үкіметі және жергілікті атқарушы органдар резервінің ақшасына қажеттілік ағымдағы қаржы жылында туындағанда және оларға қажеттілік бюджеттік бағдарлама әкімшісінің өткен міндеттемелеріне байланысты болмағанда, бұл Қазақстан Республикасы Үкіметінің, орталық мемлекеттік органдардың, жергілікті атқарушы органдардың мына міндеттемелерін өтеу жағдайларына қатысты емес:

соттардың шешімдері бойынша;

мемлекеттік шығармашылық  және спорттық тапсырыстар бойынша;».

2. Осы қаулының 1-тармағының алтыншы абзацы 2023 жылғы 1 қаңтардан бастап өз қолданысын тоқтатады деп белгіленсін.

3. Осы қаулы алғашқы ресми жарияланған күнінен бастап қолданысқа енгізіледі.

 

Қазақстан Республикасының
Премьер-Министрі                                                                     Ә. Смайылов

 

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу