03 Қыркүйек 2020, 22:09
ҚР Премьер-Министрі Асқар Маминнің Шығыс Қазақстан және Алматы облыстарына жұмыс сапарының қорытындысы бойынша видеодайджест
Биылғы 2-3 қыркүйекте ҚР Премьер-Министрі Асқар Мамин жұмыс сапарымен Шығыс Қазақстан және Алматы облыстарына барып, ірі инфрақұрылымдық жобалар мен мемлекеттік даму бағдарламаларының іске асырылу барысын тексерді.
Шығыс Қазақстан облысында Асқар Мамин «Өскемен ‒ Талдықорған» автожолының құрылысы жобасының іске асырылуын тексерді;
Премьер-Министр Қазақстандағы электр техникалық жабдықтарды құрастыратын ірі кәсіпорын «КЭМОНТ» АҚ қызметімен танысты;
А. Мамин сүт өндіретін «Восток-Молоко корпорациясы» ЖШС-де болды;
Үкімет басшысы Ольга Рыпакованың жеңіл атлетика орталығын аралап көрді;
Асқар Мамин «Ost Fish» ЖШС бекіре тұқымдас балық өсіру цехының жұмысымен танысты;
Премьер-Министр облыстық тарихи-өлкетану музейінде болып, археология саласындағы ғылыми-зерттеу жұмыстарымен және артефактілермен танысты;
А. Мамин Аягөз ауданаралық ауруханасын аралады;
Алматы облысында Үкімет басшысына ұзындығы 314 шақырым «Өскемен ‒ Талдықорған» автожолының шығыс учаскесін қайта жаңарту, ұзындығы 180 шақырым «Үшарал – Достық» автожолын салу жобасы туралы баяндалды;
Талдықорғанда Асқар Мамин №3 қазандықта болып, онда газбен жабдықтау жұмыстарының барысымен танысты;
Өңірде Премьер-Министр «Нұрлы жер» бағдарламасының жүзеге асырылуын бес көпқабатты тұрғын үйдің құрылысы мысалында тексерді;
А. Мамин «Каримов» ЖК сүт-тауар фермасына барды.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу