Қанат Мусин Павлодар облысының тұрғындарымен кездесті

ҚР әділет министрі Қанат Мусин жұмыс сапарымен Павлодар облысына барып, өңір тұрғындарымен кездесу өткізді. Жұмыс сапарының мақсаты — азаматтарды ведомство жұмысының негізгі бағыттарымен таныстыру, кейбір заңнамалық актілер және ондағы өзгерістер туралы түсіндіру.

«Мен үшін бүгінгі кездесудің маңызы зор. Облысқа келудегі басты мақсат – өңірдегі мәселелердің шешімін табуға кол ұшын созып, тұрғындардың ұсыныс-тілектерін тыңдау», — деді Қ. Мусин.

Сөз басында министр Әділет министрлігінің қызметтері туралы айтып өтті. Оның айтуынша, ведомтсвоның негізгі бағыттарымы – ұлттық заңнаманы қалыптастыру және дамыту, нотариат, адвокаттық қызмет, зияткерлік меншік құқықтарын қорғау, атқарушылық іс жүргізу, сот-сараптама қызметі, заңды тұлғаларды, жылжымайтын мүлікке құқықтарды мемлекеттік тіркеу саласындағы мемлекеттік саясатты іске асыру.

«Осы жылғы құқық саласындағы маңызды оқиғалар бүкілхалықтық референдумді өткізу, еліміздің Конститциясына өзгерістер енгізу және кейіннен тиісті өзгерстерді ұлттық заңнамаға енгізу болды. Әділет министрлігі барлық конституциялық заңдарды дайындайды, олар Конституцияға енгізілген өзгерістердің логикалық жалғасы болып отыр. Президенттің осыған қатысты тиісті тапсырмасы болды», — деді Қанат Мусин.

«Қазақстан Республикасының Конституциялық Соты туралы», «Қазақстан Республикасында Адам құқықтары жөніндегі уәкіл туралы» конституциялық заңдардың жобалары, саяси партиялардың, Қазақстан халқы Ассамблеясының, Жоғары Сот Кеңесінің, жергілікті мемлекеттік органдардың қызметін, Жоғары аудиторлық палатаға Есеп комитетін қайта форматтау тәртібін, сондай-ақ заңнамалық актілерге жердің, жер қойнауының, жануарлар мен өсімдік әлемінің және басқа да табиғат ресустарының Қазақстан халқына тиесілігі туралы конституциялық қағидатпен байланысты мәселелерді реттейтін өзгерістер енгізілетін заң жобасы әзірленді. Көрсетілген заңнамалық актілерге Президент қол қойды. Олар Конституцияға енгізілген өзгерістерді бекітеді. 

«Ең алдымен, Президенттің билікте болу мерзімі мен еселігіне қатысты өзгерістерді атап өткен жөн. Бұл бастамашылықты Мемлекет басшысы биылғы 1 қыркүйекте айтты, сондай-ақ заңда іске асырылды. Енді бұл қағидат Конституцияда және Президент туралы конституциялық заңда бекітілгеннен кейін Президентті 7 жылда бір рет сайлау туралы норма күшіне енді, сондай-ақ Конституцияда айтылғандай өзгеріссіз болмақ», — деді әділет министрі. 

Оның айтуынша, қазақстандықтар көптен күткен келесі өзгерістер – бұл Конституциялық сот құру. Конституциялық сот туралы заң өткен аптада қабылданып, оған Президент қол қойды, жарияланды және биылғы 18 қарашада күшіне енеді. Конституциялық сот 2023 жылғы 1 қаңтардан бастап өз жұмысын бастайды. 

Осы орайда министр Конституциялық соттың республикадағы басқа соттардан қандай айырмашылығы бар екенін айтып берді. Оның айтуынша, Конституциялық сот – дербес конституциялық қадағалау органы, ол сот жүйесіне кірмейді, сондай-ақ оның негізгі мендеті – кез келген деңгейдегі нормативтік-құқықтық актілердің Конститутцияға сәйкестігін тексеру. Егер Конституциялық кеңеске тек мемлекеттік органдар мен лауазымды адамдар қатарынан Мемлекет басшысы, Парламент палатасының өкілдері, Парламент палатасының депутаттары, сондай-ақ олардың жалпы санынан кемінде 1/5 ғана, соттар және басқалар жүгіне алса, ал енді Конституциялық сотқа Қазақстан Республикасының азаматтары да жүгіне алады. 

«Алайда ерекшеліктер де кездеседі. Конституциялық сот – соттардың жалпы юрисдикциясы шешімдеріне шағымдануға болатын орган емес. Сот шешімдеріне бұрынғыдай тиісті апелляциялық, кассациялық сатыларда шағым жасалуы мүмкін», — деді әділет министрі Қанат Мусин.

Конституциялық сот өзінің талап-арызын немесе оған қатысты талап арызды қараған жалпы юрисдикция соты оны қарау барысында Конституцияға сәйкес келмейтін нормативтік құқықтық актіні қолданды деп мәлімдеген азаматтың өтінішін қарауға қабылдай алады. Яғни, азамат көрсетілген нормативтік актіге Конституциялық сотта, нақтырақ, оның Конституцияға сәйкестігі тұрғысынан шағымдануы мүмкін. Тиісінше, бұл көрсетілген қуыным бойынша сот заңды немесе заңсыз шешім қабылдауына байланысты болады.

Сонымен қатар бұл қағидада ерекшелік бар. Мысалы, егер сол нормативтік құқықтық актінің құрылымы оны басқа мағынада норманың императивтілігіне байланысты түсіндіруге жол берілмейді, яғни басқаша айтқанда норма «тек осылай ғана жасауды және өзгеше жасамауды» көздейді. Бұл жағдайда осындай нормативтік құқықтық акті сот тарапынан қолданылмағанның өзінде Конститутциялық сотта шағымдануға болады.

Соттар қолданбаған немесе императивтік сипаттағы емес басқа да нормативтік құқықтық актілерге қатысты азаматтардың өзге де өтініштері Конституциялық соттың қарауына жатпайды. Осындай мәселелермен Конституциялық сотқа Бас прокурор да Адам құқықтары жөніндегі уәкіл де жүгінуге болады. 

Әділет министрінің мәлімдеуінше, осы жылдың соңына дейін төраға мен оның орынбасарын қоса алғанда, 11 судьядан тұратын Конституциялық сот қалыптастырылатын болады. Ол 11 судья жеткілікті деп санайды. Мәселен, халықтың көптігіне қарамастан, Ресей Федерациясының Конституциялық соты да 11 судьядан тұрады. Тек жағары білікті, мамандығы бойынша кемінде 15 жыл өтілі бар, беделді 40 жастан жас заңгерлер ғана Конституциялық соттың судьялары бола алады.

Судьялардың өкілеттілік мерзімі сегіз жылға созылады. Бұл орайда сол бір адам Конституциялық сотта бір реттен артық судья болып тағайындалмайды. Төрағаны лауазымға Парламент Сенатының келісімімен Президент тағайындайды. Төраға орынбасарын судьялар қатарынан Төрағаның ұсынысы бойынша Президент тағайындайды. Төрт судьяны лауазымға Президент тағайындайды, Парламент Палаталары Төрағаларының ұсынысы бойынша Парламент Сенаты мен Мәжілісі үш судьядан тағайындайды. Яғни Конституциялық соттың судьяларын әртүрлі субъектілер тағайындайды.

Қ. Мусиннің айтуынша, адам құқықтары жөніндегі уәкілдің мәртебесі айтарлықтай күшейтілді, ол Конституцияда әлдеқашан айқындалған. Оның мәртебесі Парламент депутаттарымен, судьялармен және Бас прокурормен тең, бұндай иммунитет оның басқа мемлекеттік органдар мен лауазымды адамдарға қарағанда, өзінің өкілеттігін жүзеге асыруға мүмкіндік береді. 

Адам құқықтары жөніндегі уәкілге Парламент палаталары отырыстарына қатысуға, арнаулы әлеуметтік қызметтер көрсететін ұйымдарға, сондай-ақ қылмыстық-атқарушылық жүйе мекемелеріне кедергісіз баруға құқық береді.

Адам құқықтары жөніндегі уәкілдің өңірлік өкілдері болады, яғни жергілікті жерлерде кішігірім аппараттары болғандықтан, оны елдің барлық өңірлері білетін болады, ал ол өңірлердегі адам құқықтары мен бостандықтарының қорғалуы жағдайларынан хабардар болады. 

Адам құқықтары жөніндегі уәкілдің және оның өкілдерінің қызметіне кедергі келтірілгені үшін жауапкершілік белгіленеді. Жалпы осының барлығы құқық қорғау институтын – адам құқықтары жөніндегі уәкілді мейлінше жоғарғы деңгейге көтереді. 

Сондай-ақ Конституцияға тиісті өзгерістерден туындайтын Қазақстан Республикасы Парламентінің Мәжілісіне, сондай-ақ жергілікті өкілді органдарға сайлау кезінде аралас сайлау жүйесіне көшуге қатысты түзетулер енгізілді. Яғни, Мәжіліске депутаттардың 30%-ы бір мандатты округ бойынша, ал 70%-ы бұрынғыдай партиялық тізім бойынша сайланады. Өңірлердің мәслихаттарына 50%-ы тізім бойынша, 50%-ы бір мандатты округ бойынша сайланады; аудандық мәслихаттарға 100% бір мандатты округ бойынша сайланды.

Конституциялық соттың, Орталық сайлау комиссияларының мүшелеріне, әкімдерге және олардың орынбасарларына саяси партияларға мүше болуға тыйым салынған. Яғни бұл лауазымды адамдар саяси партиялардың ықпалында болмауы тиіс. Егер олар партия мүшелері болса, одан шығулары тиіс. 

Сондай-ақ халықтың жерге және жер қойнауларына, жануарлар мен өсімдік әлеміне және басқа да табиғи ресрустарға меншік құқығы туралы Конституцияда жарияланған норма бекітіледі. 

Алайда, осы орайда Конституцияда бектілген аталған номада біздің әрқайсымызда жердің қандай да бір алаңына немесе жер қойнауы учаскесіне меншік құқығын туғызбайды, ол жерді, жер қойнауын, өсімдіктер мен жануарлар дүниесін және басқа да табиғи ресурстарды пайдалану Қазақстан халқының мүддесі үшін жүзеге асырылуы тиіс екенін айқындайды деген қағидат сипаты бар екенін түсінуіміз қажет деп санайды министр. Мәселен, еліміздің Президенті ұлттық қордың, оның ішінде Қазақстанның жер қойнауын пайдалану есебінен қалыптасатын кірісінің бір бөлігін, балалардың қажеттіліктеріне бағыттауды ұсынды. Бұл халықтың жерге меншік құқығын іске асырудағы тәсілдердің бірі. 

«Әділет министрлігі мерзімді түрде жүргізіп отыратын азаматтардың өтініштеріне талдау көрсеткендей, адамдар көбінесе нотариустардың, адвокаттардың және заң кеңесшілерінің өздері көрсететін заң көмегіне байланысты қызметі мәселелері бойынша жүгінеді. Сондықтан көрсетілген субъектілердің қызметін жетілдіру бойынша жұмыс тұрақты түрде жүргізіледі. Осылайша, соңғы кезде біз натариустардың қызмет көрсетуін пайдалану ыңғайлы болу үшін бірқатар практикалық шаралар қабылдадық», — деді Қ. Мусин.

«Нотариат туралы» заңға түзетулер қабылданып, соған сәйкес бұдан былай жылжымайтын мүлікке мәміле ресімдеу оңайырақ болады. «Эксаумақтық» қағидатына сәйкес, осы мүліктің орналасқан жері бойынша жылжымайтын мүлікке мәміле рәсімдеу міндетті емес. Бұрын егер жылжымайтын мүлік басқа қалада болса, онда жылжымайтын мүлікке мәмілені осы қалада өз қызметін көрсететін нотариус рәсімдеп, барлық қажетті құжаттарды ұсынуы керек еді. Енді мәмілені басқа жерде жасауға болады. Цифрлық технологиялар сол жаққа бармай ақ, басқа қалада жылжымайтын мүлікпен мәміле жасауға мүмкіндік береді. 

Әділет министрі Қанат Мусин заң көмегін көрсету саласындағы өзге де жаңалықтарға тоқталды.

Биылғы 20 маусымда «Адвокаттық қызмет және заң көмегі туралы» заңға да өзгерістер енгізілді, оған сәйкес құқықтық консультация беру түрінде тегін заң көмегіне кепілдік берілген адамдар қатары кеңейді. Оған аз қамтылған және көп балалы отбасылар, тұрмыстық зорлық-зомбылық, азаптаулар құрбандары 1 және 2-санаттағы мүгедектер, зейнеткерлер қосылды. Онда аз қамтылған және көп балалы отбасылар, тұрмыстық зорлық-зомбылық, азаптау құрбандары, 1 және 2-санаттағы мүгедектер, зейнеткерлер қосылды.

Бұдан басқа, кәсіпкерлік қызметпен байланысты емес бірқатар мәселелер бойынша азаматтар тегін заң көмегін беру туралы (көп балалы отбасыларға алимент өндіріп алу мәселелері бойынша, тұрмыстық зорлық-зомбылық мәселелері бойынша; ҰОС-ға қатысушылар, ұрыс қимылдарының ардагерлері, мерзімді қызмет әскери қызметшілері, бірінші және екінші топтағы мүгедектігі бар адамдар, жасы бойынша зейнеткерлер) сотқа жүгіне өтініш жасай алады. 

Министрдің айтуынша, осындай көмек беру құқығы енді адвокаттардан басқа заң консультанттарына да берілді. Яғни, тегін заң көмегін көрсете алатын субьектілер аясы кеңейді, бұл халық үшін ыңғайлы болмақ, өйткені заң консультанттарының қатысуымен едәуір үлкен аудиторияны қамтуға болады.

«Осы жылдың 9 айында Павлодар облысы бойынша 6 мыңнан астам азаматқа тегін заң көмегі көрсетілді», — деді Қ. Мусин. 

Сонымен қатар АХАЖ жүйесі бойынша бала туу туралы куәлік қызметтерін көрсету рәсімдерін жеңілдету аясында, мәселен АХАЖ-ға келмей-ақ, «электрондық үкімет» порталын немесе екінші деңгейдегі банктердің (Kaspi және Halyk банк) мобильдік қосымшаларын пайдалану арқылы алуға болады. 

Яғни, қазір туу туралы куәлікті қалыптастыру автоматты режимде жүреді. Перзентханадан баланы туу туралы анықтама АХАЖ жүйесіне тікелей беріледі, онда құжат жасалады, ата-аналары баланың туылуына байланысты құттықтаумен, баланың атын атауды өтінген смс хабарлама алады. Жауап смс арқылы жіберіледі және бала туу туралы куәлік ресімделеді, оны АХАЖ-дан қағаз түрінде немесе телефонға электронды түрде алуға болады. 

«Осылайша біз кішкентай азаматтарымызға алғашқы заңды құжатын алуды жеңілдетеміз», — деді әділет министрі.

Нотариаттық мәмілелер негізінде құқықтарды жылдам электрондық тіркеу сәтті енгізілген, бұл азаматтардың «Мемлекеттік корпорацияға» оларды тіркеу үшін қағаз құжаттармен жүгіну қажеттілігін болдырмайды, мерзімі бір жұмыс күнінен екі сағатқа дейін қысқартылды.

2022 жылғы шілдеден бастап «электрондық үкімет» арқылы электрондық форматта коммерциялық емес ұйымдарды тіркеу көзделген түзетулер қабылданды, бұл тіркеуге қағаз құжаттарды беру үшін ХҚО-ға бару қажеттілігін жояды. Бүгінде халыққа әділет органдары көрсететін 37 мемлекеттік қызмет «eGovmobile» қосымшасы арқылы қолжетімді. 

Одан кейін әділет министрі Қанат Мусин зияткерлік меншік туралы айтып өтті. 

Министрдің айтуынша, бұл да Әділет минстрлігінің қызметі бағыттарының бірі. 

«Біз зияткерлік меншікке қатысты қазақстандықтар қоятын сұрақтарды талдап, авторлардың мүліктік құқықтарын ұжымдық негізде басқаратын ұйымдардың қызметіне қатысты өте көп сұрақ туындайтынын анықтадық», — деді Қ. Мусин.

Заң мұндай ұйымдардың қызметін толық көлемде регламенттемейтіні айқындалды. Сондықтан авторлық құқық туралы заңға түзетулер қабылданды. Енді бұл ұйымдар әрбір авторға жиналған сыйақы сомалары және одан ұсталған сомалар туралы есепті ұйымның сайтындағы оның жеке кабинетіне жіберуге міндетті. Сәйкесінше, автор үйде отырып, жиналған сыйақы туралы ақпаратты ала алады.

Ұйымдар өзінің нақты шығыстарын жабуға арнайы қорларға (әлеуметтік және мәдени мақсатқа авторларды қолдауға) жіберілген сомманы қосқанда 30%-дан аспайтын сома мөлшері анықталды.

Бұдан басқа, зияткерлік меншіктің жаңа объектісінің «географиялық көрсеткіш» ұғымы, сондай-ақ тіркелмеген өнеркәсіптік үлгілерді қысқа мерзімді қорғау жүйесі (Қазақстан Рсепібликасының аумағына айналымға енгізілген күннен бастап 3 жылдан аспайтын) енгізілді. Георграфиялық көрсеткіштерге қорғауды енгізу өнімді, соның ішінде Павлодар облысының өндірушілерін, сапасы айтарлықтай дәрежеде оның географиялық көрсеткішімен байланысты ерекше қасиетін қорғау мен сақтауды қамтамасыз етуге мүмкіндік береді. 

Статистика бойынша биылғы 9 айда Павлодар облысының тұрғындары мен кәсіпорындарынан берілген өтінімдер бойынша тауар таңбасына 36 куәлік, өнертабысқа 22 патент, пайдалы модельдерге 25 патент, өнеркәсіптік үлгіге 1 патент берілді. Қорғау құжаттарының болуы құқық иеленушілерге олардың зияткерлік құқықтарын бұзудан және оларға тиесілі зияткерлік меншік объектілерін пайдаланғаны үшін сыйақы алу құқығын қорғау мүмкіндігін береді. 

Сонымен қатар әділет министрінің айтуынша, атқарушылық өндіріс – Павлодар облысы бойынша ғана емес, республика бойынша ең өзекті мәселелердің бірі. 

Павлодар облысы бойынша барлығы 15 мемлекеттік және 90 жеке сот орындаушылары қызметін жүзеге асырады. Бүгінгі таңда 322 мың атқарушылық өндіріс бар, олардың 114 мыңы өндірілген. Олардың басым бөлігін алименттерді өндіріп алу бойынша құжаттар құрайды. Павлодар облысы бойынша бұл – шамамен 17 мың іс.

Алименттерді өндіру – бұл бір реттік өндіріс емес. Бұл процесс бала кәмелетке толғанға дейін жылдар бойы созылады. Кейде өз шешімін таппайтын проблемалар кездеседі. Жекелеген борышкерлер, нақты материалдық мүмкіндіктері бола тұра, өздерінің балаларын асыраудан әдейі жалтаратын не өзінің мүлкін жасыратын жағдайлар да бар. Сот орындаушыларының алименттерді өндіру туралы барлық проблемалық атқарушылық өндірістері бойынша мәжбүрлі сипаттағы шаралар қабылданады. 

Осы жылдың 9 айында Павлодар облысы бойынша алименттік төлемдер бойынша сот актілерін орындамағаны үшін әкімшілік жауапкершілікке 173 борышкер тартылды (ҚР бойынша 2 823), ішкі істер органдарына қылмыстық жауапкершілікке тарту үшін 110 ұсыным жіберілді (ҚР бойынша 1 309), 124 борышкерге қатысты (ҚР бойынша 13 271) Қазақстан Рсепубликасынан шығуға уақытша тыйым салынды. Кейбір жағдайларда борышкердің тұрақты табысы және мүлкі болмағандықтан алимент өндіру қиындық туғызады.

«Осыған байланысты өңірлік әділет департаменттері әкімдіктермен бірлесе тұрақты негізде борышкерлерді жұмысқа орналастыру үшін бос жұмыс орындары жәрмеңкесін өткізеді. Мысалы, биылғы 9 айда Павлодар облысы бойынша 327 осындай борышкер жұмысқа орнастырылған», — деді министр.

Қ. Мусиннің айтуынша, Павлодар облысында алименттерді өндіріп алуға мамандандырылған 7 жеке сот орындаушысы жұмыс істейтіні қуантарлық жайт. Жалпы осындай, соның ішінде Астана және Алматы қалаларының негізінде алиментттерді өндіріп алу бойынша мамандандырылған кеңселерді құру практикасы осындай проблемаларды тиімді шешудің факторы болуы мүмкін. 

Берешекті өндіру рәсіміне қатысты, онда азаматтарға ыңғайлы болу үшін қосымша сервистер жасалған болатын. Мемлекеттік шекара арқылы өту пунктерінде және қоғамдық орындарда белгіленген терминалдар арқылы онлайн режимде, сондай-ақ Каспий банкінің мобильді қосымшаларында және Қазпоштада (Kaspi.kz и Post.kz) берешекті төлеу мүмкіндігі жасалған. 

Берешекті толық өтеген кезде Атқарушылық өндіріс органдарының автоматтандырылған ақпараттық жүйесі (АӨО ААЖ) шоттағы және шығуға тыйымды автоматты түрде алып тастайды.

Министрдің айтуынша, азаматтар салынған тыйымдар туралы, тиісті ақпараттық сервистердің болуын ескере отырып өз жайбарақаттылығынан шектеулер туралы уақытында біле бермейді, сондай-ақ хабардар болмауының басқа да себептері бар. 

Сондықтан да қазіргі уақытта Әділет министрлігі Цифрлық даму, инновациялар және аэроғарыш өнеркәсібі министрлігімен бірлесіп, кепілдендірілген хабарламалардың бірыңғай жүйесінің әзірленуіне жұмыс жүргізіп жатыр. Яғни әрбір қазақстандық барлық мемлекеттік органнан сол не өзге берешегінің болуы туралы, қандай да бір әрекет жасау қажеттігі туралы хабарлама алуы тиіс. Бұл орайда ешкім хабарлама алмадым немесе хабардар болмадым деп айта алмайды, өйткені аталған жүйеге хабарлама жіберілген сәттен бастап, азамат хабардар етілген болып есептеледі.

Одан кейін министр түсіндіру жұмысына қатысты сөз қозғады.

«Бізде тәулік бойы жұмыс жасайтын 119 тегін құқықтық қызмет көмегі бар екенін көбі біле бермейді, сіз кез келген уақытта Астана қаласының кодын тере отырып, 58-00-58 нөмірі бойынша хабарласып, барлық құқықтық мәселелер бойынша консультация ала аласыз», — деді министр Қ. Мусин.

Үнемі жаңарып отыратын «Әділет» ақпараттық-құқықтық жүйесі бар, бұл жүйе барлық ресми тіркелген нормативтік құқықтық актілердің мәтінімен танысуға мүмкіндік береді. Басқа ақпараттық жүйелерде, мәселен «Параграфта» нормативтік актілерге ақылы қолжетімділік беріледі.

Әділет министрлігінің сайтында және ресми аккаунттарда, әлеуметтік желілерде әр түрлі мәселелер бойынша өзекті құқық түсіндіру деректері орналастырылады. 

«Қазақстан Республикасының Президенті өзінің осы жылдың қыркүйек айындағы Жолдауында Әділет министрлігінің алдына қылмыстық және қылмыстық-процестік заңнаманы түзету, сондай-ақ әкімшілік әділеттің қолданылу аясын кеңейту бойынша маңызды міндеттер қойды», — деді Қ. Мусин. 

Әділет министрінің айтуныша, әкімшілік рәсімдік-процестік кодекстің қабылдануына байланысты біздің елде бір жылдан астам уақыттың ішінде әкімшілік әділет жұмыс істей бастады, әкімшілік соттар пайда болды. Енді еліміздің әрбір азаматы кез келген мемлекеттік органның, лауазымды адамның шешіміне немесе іс-әрекетіне әкімшілік сотқа шағымдана алады. Бұл ретте оған өзінің айғақтарын дәлелдеу қажет емес, керісінше, шешіміне немесе іс-әрекетіне шағым жасалатын сол орган немесе лауазымды адам сотқа заңды әрекет еткенін дәлелдеуі тиіс. 

Әкімшілік рәсімдік-процестік кодексті қолдану практикасы көрсеткендей, онда көзделген азаматтың мемлекетпен өзара қарым-қатынасын реттеудің құқықтық тетіктері азаматқа өзінің құқығы мен мүдделерін неғұрлым тиімді қорғауға мүмкіндік береді. Егер бұрын да, мысалы, еліміздің тұрғындары жүз даулы істен ең дегенде 15 жағдайда жеңіске жетсе, бүгінгі күні азаматтар сот процестерінде 50-ден астам жағдайда жеңіп шығады. 

«Әкімшілік әділетті дамыту бойынша Мемлекет басшысының тапсырмасын орындау шеңберінде ауқымды әрі жауапты жұмыс тұр. Бұл біз үшін маңызды жұмыстардың бірі», — деді Қ. Мусин. 

Бұдан басқа, Әділет министрлігіне қылмыстық және қылмыстық-процестік заңнаманы тексеру бойынша міндет жүктелген. Бұл ауқымды жұмыс, онымен, әдетте, бұдан бұрын құқық қорғау органдары айналысқан.

Құқық қорғау органдарының құқықтың маңызды екі саласының қалыптасуына ықпалын болдырмау үшін, олар бойынша жұмыс азаматтық ведомствоға берілген болатын. 

Әділет министрлігінде құқық қорғау функциялары жоқ, ол тергеу де, анықтау да жүргізбейді. Сондықтан да министрлікте ведомстволық мүдде жоқ, құқық төрелігін әділетті өткізу мақсатында қылмыстық және қылмыстық-процестік кодекстермен жұмыс барысында объективтілікті қамтамасыз ету міндеті бар. 

«Осы мақсаттарда бізде үлкен жобалық офис құрылды, біз көрнекті ғалымдарды, адвокаттардың кәсіби қауымдастығының өкілдерін және әрине, құқық қорғау органдарының қызметкерлерін шақырдық. Және бүгінде бұл жұмыс бізде толық көлемде жүріп жатыр. Алда үлкен және жауапты жұмыс күтіп тұр», — деді әділет министрі Қанат Мусин.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу