Павлодар облысы: өнеркәсіп өндірісінің көлемін арттыру және кәсіпкерлікке басымдық беру

Көмір шахталары, жылу электр станциялары мен мұнай өңдеу зауыты бар Павлодар облысы Қазақстан энергетикасының орталығы болып саналады. Сонымен қатар өңірде ауыл шаруашылығын дамытуға, кәсіпкерлікті қолдауға, еңбек нарығындағы белсенді шараларды іске асыруға ерекше көңіл бөлінеді. Биылғы жылғы қаңтар-қазан айларындағы өңірдің әлеуметтік-экономикалық дамуы туралы PrimeMinister.kz материалында. 

Павлодар облысының әкімдігінде атап өткендей, соңғы үш жылда жалпы өңірлік өнімнің нақты көлемі 2 трлн теңгеден 2,7 трлн теңгеге дейін артты. Өткен жылдың қорытындысы бойынша өңір экономикасы 6,2%-ға артты. 

Өнеркәсіпте жыл басынан бері 1,6 трлн теңгеге өнім өндірілді, бұл өткен жылғы кезеңнен 19 млрд теңгеге немесе 1,8%-ға артық. 

 

Өңдеу өнеркәсібінде 500-ге жуық кәсіпорын бар

Өңдеу секторының кәсіпорындары тұрақты өсім көрсетіп отыр, бұл республикалық өңдеу көлемінің 12%-ға жуығын қамтамасыз етеді. 

Павлодар облысының өнеркәсіп құрылымында үлесі салмағын өңдеу өнеркәсібі алады — 65,3%. 

Соңғы үш жылда өңдеу өнеркәсібінде нақты көлем индексінің оң динамикасы байқалып отыр (2016 ж. — 100,2%, 2017 ж. — 105%, 2018 ж. — 106%).

Өндіріс көлемі 350,8 млрд теңгеге артты.

Салада 500-ге жуық кәсіпорын мен өндіріс жұмыс істейді. Оның ішінде жүйеқұраушылар: 

  • Ақсу ферроқорытпалар зауыты – «Қазхром» ТҰК» АҚ филиалы (ферроқорытпалар өндірісі), 

  • «Алюминий Казахстана» АҚ (сазбалшық, электр энергиясын өндіру), - «Қазақстан электролиз зауыты» АҚ (өңделмеген алюминий өндірісі), 

  • «KSP Steel» ЖШС (жіксіз құбырлар мен болаттар өндірісі), 

  • «Кастинг» ӨФ ЖШС (болат өндірісі), 

  • Павлодар машинажасау зауыты «ERGService» АҚ) (крандар мен металл конструкциялар өндірісі), 

  • «Казэнергокабель» АҚ (сым өнімдерін, алюминий созба сым шығару), 

  • «Павлодар мұнайхимия зауыты» ЖШС (мұнай өнімдерін өндіру бумен, сумен жабдықтау) өнеркәсіп өндірісінің барлық көлемінің 80%-ға жуығын қамтамасыз етеді. 

Бұл ретте өңдеу өнеркәсібінің жетекші салалары — металлургия (70,4%), мұнай өңдеу (8,8%), машинажасау (5,8%).

Үш жылда Индустрияландыру картасы мен Кәсіпкерлікті қолдау картасының 23 жобасы енгізілді, оның ішінде өңдеу өнеркәсібінде 19 жоба бар. 

Есепті кезеңде өңдеу өнеркәсібі кәсіпорындары 958,5 млрд теңге сомасына өнім өндірді. Өндіріс көлемдерінің артуы келесі салаларда байқалып отыр: мұнай өңдеу өнімдерінің өндірісі, металлургия өнеркәсібі, оның ішінде қара металлургия, химия өнеркәсібі өнімдерінің өндірісі, негізгі фармацевтикалық өнімдер, қағаз және қағаз өнімдерін өндіру, ағаш және тығын бұйымдарын өндіру, жиһаздан басқа, жеңіл өнеркәсіп, машинажасау, жиһаз өндірісі, тамақ өнімдері өндірісі, резина және пластмасса бұйымдар өндірісі. 

Мысалы, метил-трет-бутил эфир мен полипропилен өндіру зауытында жаңа бұйымдар түрлерінің өндірісін дамыту жалғасуда. Полимер бұйымдар өндірісінің бастығы Олжас Ықыласовтың айтуынша, зауытта жұмсақ контейнерлер, бір рет пайдаланылатын биг-бегтердің жаңа өндірісі іске қосылған. 

«Бұл біз үшін жаңа өндіріс бөлігі, оны біз әрі қарай дамытуды жалғастырамыз. Биыл біз шамамен жылына 1 млн 200 мың биг-бег қуаттылығына шығамыз. Келесі жылы жылына 2 млн қапты құрайтын барынша толық өнімділігіне шығу көзделген. Басты мақсат — Қазақстанды біздің өніммен қамтамасыз ету. Бұдан әрі дамыған жағдайда көршілес елдердің - Ресей, Қырғызстан, Өзбекстан, Тәжікстан елдерінің нарықтарына шығуға мүмкіндігіміз болады», — деп Олжас Ықыласов қазіргі сәтте зауытта 200-ден аса жұмыс орны құрылғанын атап өтті. Өндірісте көбірек жұмыс күші талап етілетіндіктен, жұмыс орындарын арттыру мүмкіндігі қарастырылуда. 

 

Тау-кен өнеркәсібі: өңірде республикалық көмір көлемінің 60%-на дейін өндіріледі 

Соңғы үш жылда өнеркәсіптік тау-кен өндірісі секторының нақты көлем индексінің өсуі байқалуда. Өндіріс көлемі 173,5 млрд теңгеге артты. Өнеркәсіптің жалпы көлемінде сала үлесі 21,4% құрайды.

Салада 12-ге жуық кәсіпорын бар, олар көмір, лингит, металл кені мен т.б. өндіреді. 

Өңірде еліміз бойынша жалпы көмір көлемінің 60%- 70 млн тоннасы өндіріледі. Көмір өндіру кәсіпорындарының көлемі облыстағы өнеркәсіп өндірісінің көлемінен 7%-ға жуығын құрайды, оның 80%-ы екі ірі кәсіпорында - «Богатырь Комир» және «Еуразиялық энергетика корпорациясы» өндіріледі. Кәсіпорындарда 14 мыңнан аса адам жұмыс істейді, бұл өнеркәсіптегі жұмыспен қамтылғандардың 14% -ын құрайды.

Көмір өндіретін кәсіпорындардың өндірістік қуаттылығы 80 млн тонна көмірді құрайды. 

Металл кенін өндіру саласында 2 ірі қала құраушы кәсіпорын бар: Бозшакөл ТКБК, «Майқайың алтын» АҚ және шағын кәсіпорындар («Евразия Купер» ЖШС, «Фонет Ертай» ЖШС, «Альголд» ЖШС).

Индустрияландыру картасы аясында пайдалануға берілген Бозшакөл тау-кен байыту комбинаты өндіріс көлемін ұлғайтуда. Кәсіпорын шығыны аз өндіріс үлгісін қолдану бойынша әлемдік көшбасшылары үштігінің қатарына енді. Бұл кәсіпорында металл кені мен концентратын өндіру 1,2 есеге дерлік артты. Жыл соңына дейін өндірісте инновацияларды енгізу есебінен мыс кенін өндіру 45 млн тоннаға дейін жеткізіледі.

 

Металлургия кешені өңірдегі өнеркәсіп секторында басымдыққа ие

Өңдеу өнеркәсібіндегі металлургия саласының үлес салмағы — 70,4%. Өнеркәсіптің жалпы көлеміндегі үлесі — 44,8%. нақты көлем индексінің өсімі байқалады.

Бағалық мәнінде 3 жылда өсім 255 млрд теңгені құрады. 

2016-2018 жылдары инвестициялар көлемі 6,6 млрд теңге болатын 3 металлургия кешені жобасы іске қосылды. 

 

Машина жасау: кабельден вагонға дейін

Облыстағы өңдеу өнеркәсібіндегі машинажасау үлесі 5,6% құрайды. Өндірістің жалпы көлемінде үлес салмағы — 3,7%.

2016-2018 жылдар аралығында сала былай дамыды: 2016 ж. — 90,4%, 2017 ж. — 134,9%, 2018 ж. — 118,2%.

Машина жасау секторын келесі кәсіпорындар құрайды: Павлодар машинажасау зауыты — «ERG SERVICE» АҚ филиалы, «Казэнергокабель» АҚ, «Технологиялық желілер» ЖШС, «Ритам Павлодар» ЖШС, «FormatMach-Company» ЖШС, «Қазақстан вагон жасау компаниясы» ЖШС, «Проммашкомплект» ЖШС және облыстағы шағын кәсіпорындар.

 

Кен орындарының мол қоры құрылыс материалдары өндірісінің дамуына ықпал етеді

Облыс аумағында түрлі меншік формасындағы 50-ге жуық құрылыс индустриясы кәсіпорын бар (шағын және орта кәсіпорындар). 

Кәсіпорындар жұмсақ қаптау материалдарын, жылу сақтайтын материалдарды, тауарлық бетонды, темірбетон бұйымдарын, бетоннан жасалған бұйымдарды, құрылыс арматурасын, металл конструкцияларын, лак бояу өнімдерін, керамика және силикат кірпіштерін, кесек әктас, қиыршық тас, құм, болат құбырлар, пластик, полиэтилен, асфальтбетон қоспалар, металпластик терезелер, ағаш есіктер мен кабелт өнімдерін, пенополистирил плиталар, құрылыс тасын т.б. өндіреді. 

Негізінен кәсіпорындар өнімдері республика бойынша жеткізіледі. Павлодар облысының құрылыс материалдарының өнеркәсібі перспективалы даму үшін негізгі шикізаттық базаға ие. Облыста игеруді қажет ететін 80-нен астам шикізат кен орны бар. Құрылыс шикізаттарының барланған кен орындарының мол қорын, сондай-ақ оларды өндіру және өңдеу бойынша қолда бар қуаттылықтарды ескере отырып, облыс өзін осы материалдармен толық көлемде қамтамасыз ете алады. 

Таралған пайдалы қазбаларды белсенді игеру (отқа төзімді балшық, сәндік қаптайтын тас, габбро, гранит, мрамор, әктас) құрылыс индустриясы өндірісін ұйымдастыруға мүмкіндік береді. Қазіргі кезде облыста құрылыс материалдары мен бұйымдарын өндіру үшін құрауыштар ретінде пайдалануға болатын жанама өнімдер мен өнеркәсіп қалдықтарының біршама көлемі жинақталған (қасиеттері, агретатты күйі мен кәдеге жарату перспективасы алуан түрлі).

 

Павлодар облысының тамақ өнімдері әлемнің 40 еліне экспортталады

Биыл 10 айда 64,7 млрд теңге сомасына тамақ өнімдері өндірілді, бұл облыстағы өңдеу өнеркәсібінің құрылымында 6,7% құрайды. Облыста өндіріледі: ет, сүт өнімдері, сұйық май, ұн, жарма, макарон, нан-тоқаш, кондитерлік өнімдер. 

Саладағы аса ірі кәсіпорындар: «Рубиком» ЖШС, «Абай» ЖШС, «Смак Дистрибьюшн» ЖШС, «Айсберг ПВ» ЖШС, «Сүт» ЖШС, «Молком Павлодар» ЖШС, «Павлодарсүт» ЖШС, «Best Milk» ЖШС, «КЭММИ» ЖШС, «Крендель» ЖШС, «Зерноград ЖШС, «Иртышские мельницы» ЖШС, «Группа Интер» ЖШС, «Ұлан» ШҚ, «Аслан» ЖШС.

Өңделген өнім экспортының көлемі құрайды:

  • жартылай дайын ет өнімдері – 836,9 тонна;
  • шұжық өнімдері – 66,2 тонна;
  • түрлі жармалар – 16 808,2 тонна;
  • ұн – 11 732 тонна;
  • макарон өнімдері – 945 тонна.

Өңделген ауыл шаруашылығы өнімдерінің басым бөлігі Ресей Федерациясына экспортталады: 

  • жартылай дайын ет өнімдері;
  • шұжық өнімдері;
  • ет консервілері;
  • сүт өнімдері;
  • тауық жұмыртқасы;
  • макарон өнімдері;
  • ұн тарту өндірісі;
  • түрлі жармалар.

Қырғызстан, Өзбекстан, Түркіменстан, Ауғанстан елдеріне экспортталады: 

  • жартылай дайын ет өнімдері;
  • тауық жұмыртқасы;
  • макарон өнімдері;
  • ұн тарту өндірісі;
  • түрлі жармалар.

ҚР Президенті Қ. Тоқаевтың Жолдауының басымдықтары аясында инвестициялық жобаларды жүзеге асыру кезінде экспортқа бағдарланған индустрияландыруға баса назар аударылады. 

Облыс бойынша тауарлардың шикізаттық емес экспортының көлемі өткен жылы $2 млрд-қа жетті, бұл 2016 жылғы деңгейден 3 есе артық. Биыл жыл басынан бері экспорттық жеткізулер көлемі $1,2 млрд-қа жетті. Павлодар облысының кәсіпорындарының өнімдері жыл сайын әлемнің 40 еліне жуық экспортталады. Отандық өнім экспортын арттыру мақсатында жаңа өткізу нарықтары игеріліп жатыр. 

 

Павлодар облысы бизнес жүргізу үшін жағдайлар жасау бойынша өңірлердің топ-5-тігіне енді

Мемлекет басшысының тапсырмасын орындау үшін облыста инвестициялар тарту бойынша жұмыстар күшейтілген. Халықаралық сарапшыларды тартумен жүргізілетін Doing Business рейтингіне сәйкес, Павлодар облысы бизнес жүргізу үшін жағдайлар жасау бойынша үздік өңірлердің бестігіне кірді. 

Биыл бизнеспен диалог орнатуға арналған жаңа алаң Инвесторлар үйі болды. Мұнда Open space форматында бір алаңда кәсіпкерлікті дамытудың барлық институттары мен жобаларға қолдау және сүйемелдеу көрсететін ұйымдар шоғырланған. Әр аптада сейсенбі күні облыс әкімі әлеуетті инвесторлармен Инвестор сағатын өткізеді. Әкімдік өңірге жаңа инвестициялар тарту үшін әрбір жобаны сүйемелдейді. 

Инвесторлар үйі бұл кез келген бизнесмен “бір терезе” қағидаты бойынша кеңестер мен қызметтер ала алатын бірегей алаң. Инвесторлар үйінің жұмысы туралы толығырақ «Павлодар» ӘКК төрағасы Александр Бабенко айтып берді. 

«Мұнда бір жерде барлық қаржы институттары жиналған. Бизнес үшін қаржыландыру алу өте қиын, кепілдік, өзара қарым-қатынастар мәселелері туындайды… Мұнда олар бірнеше қаржы институттарына жүгіне алады. Олар — Қаржылай қолдау қоры, Аграрлық несие корпорациясы, Қазагроқаржы, банк. «Атамекен» ҰКП Павлодар облыстық бөлімшесінің осында болуының да маңыыз зор, кәсіпкерлер сервистік қызметтер алуда. Олар салық заңнамасы бойынша кеңестер, заңгерлік кеңестер, маркетинг, бизнес-жоспарлар т.б. Негізінде, мұнда келген соң толық қызметтер кешенін алуға болады. Бес айға толар-толмас уақыт ішінде бұл ғимаратқа жүзден астам келіп кетушілер болды», — деді А. Бабенко.

Жыл басынан беру өңір экономикасына 352 млрд теңге инвестиция салынды, ол өткен жылға динамикада 115,7% құрайды. Жеке инвестицияларға 75%-дан астамы тиесілі. 

Болашақта алдағы 4 жылға 5 мыңға жуық жұмыс орнын құрумен 13 жаңа жобадан тұратын пул құрылды. Олардың бірі — техникалық кремний өндіретін жаңа зауыт, оны Екібастұз қаласының индустриялық аймағында жүзеге асыру көзделген. 

2024 жылға дейін өңірдің инвестициялық қоржынында барлығы химия, мұнай химиясы саласындағы бірқатар жобалар бар, олардың ішіндегі ірілері: 

1. «Canarax» ЖШС техникалық кремний өндіру зауытын салу (БАӘ).

2. «Павлодар-Сода» ЖШС кальцийлендірілген сода өндіру зауытын салу.

3. Сұйытылған көмірсутек газдары мен полимерлер алу кешені «Компания Нефтехим LTD» ЖШС.

Сонымен қатар бірқатар жобалар пысықталу үстінде. 

АӨК саласында — 2 жоба:

1. «Қант зауытын салу», NAALE Group CO. LTD компаниясы. ТЭН жасалды, жер телімі рәсімделді, ЖСҚ әзірлену үстінде;

2. Картоп крахмалын өндіру, «SiccaDania» компаниясы (Дания). ТЭН әзірленуде, инвесторларға зауыт салу үшін жер телімдері ұсынылды.

Сонымен қатар, арнайы экономикалық аймақ аумағында да бірқатар жобаларды пайдалануға беру жоспарланған. «Павлодар» АЭА биыл Еркін экономикалық аймақтар дүниежүзілік ұйымының өкілдігі статусын алды. АЭА қатысушылары өндірген өнімдердің 30 түрінен бүгінде жартысынан астамы 16 түрі экспортқа шығарылады. Өткен жылмен салыстырғанда экспорттық жеткізулер 1,3 есеге артты. 

«Павлодар» АЭА аумағында 10 кәсіпорын жұмыс істейді. АЭА жұмыс істегеннен бері жалпы сомасында 72,6 млрд теңге жеке инвестициялар тартылды, оның ішінде 16,7 млрд теңгесі — шетелдік (23%). Бюджеттік инвестициялардың жеке инвестицияларға ара қатынасы 1:12 теңгені құрады. АЭА қатысушылары шығарған өнімдер көлемі 100 млрд теңгеден асты (2012 жылдан), оның ішінде экспорт - 39 млрд теңге. 5,6 млрд теңге сомасына салық аударылды. 1480 жұмыс орны құрылды.

Жұмыс істеп тұрған 10 кәсіпорыннан басқа, АЭА инвестициялық қоржынында 23 іске асырылып жатқан және перспективалы жобалар бар, оның ішінде 4 жоба бойынша жұмыстар жыл соңына дейін аяқталады. Келесі жылы АЭА аумағында 9 серпінді жобаны іске асыру жоспарланған. 

2020-2021 жылдары металлургия, мұнай химиясы, химия салаларында инвестициялық жобаларды, оның ішінде алюминий кластері жобаларын іске асыру көзделген.

Сонымен қатар POSCO ( «Минералпродукт» ЖШС) Оңтүстік Корея компаниясымен бірлесіп ферросилиций өндіру бойынша, қытайлық компаниямен (Dalian Zhonghui Irrigation Equipment Co. Ltd) аса ірі жаңбырлатқыш машиналарды - 2,4-Д қышқыл өндірісі («Агрохимпрогресс» ЖШС), түрік инвестормен полисахаридтер өндірісі бойынша ірі инвестициялық жобаларды жүзеге асыру жоспарланған. 

 

135 мың адам бизнес саласында қамтылған: ШОБ-ты мемлекеттік қолдау шаралары қалай жүзеге асырылуда

Өңір кәсіпкерлерін қолдау бойынша ауқымды жұмыстар жүргізіліп жатыр. Мемлекет тарапынан тікелей қолдаудың көрсетілуі бизнестің белсенді дамуына ықпал етуде. Биыл осы мақсаттарға 4 млрд теңгеден астам қаржы бөлінді. 3 жыл бойы «БЖК-2020» субсидияланған жобаларының саны бойынша облыс елімізде көшбасшылық позициясында болды. 

Жалпы, мемлекеттік қолдау мен қабылданып жатқан шаралар кәсіпкерліктің дамуына жақсы серпін береді. Жыл басынан бері жұмыс істеп тұрған субъектілер саны 7,1%-ға артып, 46,4 мыңға жетті. Жұмыспен қамтылғандарды қамту — 135 мың адамға дейін. 

Биыл жыл басынан бері Павлодар облысында ШОБ субъектілерінің кәсіпкерлік белсенділігінің артқаны байқалып отыр, олардың саны 7,1%-ға артып, 46,4 мыңға жетті. 

Басқа көрсеткіштер бойынша да оң динамика байқалып отыр. Мәселен, биыл І жартыжылдықта ШОБ-та жұмыспен қамтылғандар саны 4,6 мың адамға, өнім шығару көлемі 96,4 млрд теңгеге артты. 

Облыстың ЖӨӨ құрылымындағы ШОБ үлесі І жартыжылдықта 17,9% құрады, өткен жылдың осындай кезеңінде бұл көрсеткіш 12,7% деңгейінде болды. Алдын ала мәліметтер бойынша, жыл қорытындысы бойынша жылдық жоспар (18,3%) асыра орындалып, 19%-ға жуықты құрайды. 

Сонымен қатар, Павлодар облысының әкімдігі берген ақпаратқа сәйкес, өңірде ірі сауда нысандарының желісі артуда. «Батыр Молл» сауда-ойын сауық орталығының аумағы құрылысы аяқталған соң елордадағы «Керуен» СОС аумағына тең болады. 

 

«Қарапайым заттар экономикасы»: импорт алмастыру қарқыны

Биыл кәсіпкерлер үшін “Қарапайым заттар экономикасы” жаңа бағдарламасы зор қолдау болды. Мақұлданған жобалар саны бойынша облыс көшбасшылар бестігіне кіреді (4-орын). Екінші деңгейлі банктер 12,5 млрд теңге сомасына 45 жобаны мақұлдады. 33,7 млрд теңге сомасына 134 жоба жұмыс үстінде. 

2018 жылмен салыстырғанда жергілікті жеңіл өнеркәсіп өндірушілерінің мемлекеттік сатып алуларға қатысуы 4 есе, жиһаз өндірушілердің қатысуы 9 есе, құрылыс материалдарын өндірушілердің қатысуы 7 есе артты. 

«Бизнестің жол картасы-2020» (2010-2018 жж.) бағдарламасы іске асырылған тұтас кезеңде қатысушылар жалпы сомасы 537,6 млрд теңгеге өнім шығарды, 54,2 млрд теңге салық төленді, бұл бюджеттен жұмсалаған қаражаттан 2 есе көп, 12 мың жұмыс орны құрылды, 21 мың жұмыс орны сақталды. 

Бағдарлама аясында 2019 жылы қалаларда шағын несиелендіруге 543 671 млн теңге бөлінді, оның ішінде жергілікті бюджеттен - 146 млн теңге, республикалық бюджеттен - 397 671 млн теңге. Жалпы, биыл «Бизнестің жол картасы-2020» мемлекеттік бағдарламасын іске асыруға 2 785,2 млн теңге бөлінді. Бағдарлама бойынша жалпы сомасы 13 млрд теңгеден асатын кәсіпкерлердің 335 жобасы мақұлданды. Қазіргі кезде қаражат толығымен «Даму» КДҚ АҚ-ның республикалық қорына аударылды және екінші деңгейлі үш банкте «Қазақстан халық банкі» АҚ, «Сбербанк» АҚ, «ForteBank» АҚ сақталған, сондайй-ақ Екібастұз қаласындағы «Даму» шағын қаржы ұйымында сақталған. 

Жыл басынан бері екінші деңгейлі банктер жалпы сомасы 506,7 млн теңгеге 52 жобаға қол қойды, жалпы сомасы 39,5 млн теңге болатын 3 жоба қарастырылу үстінде. Осылайша, жалпы пул 546,2 млн теңге сомасына 55 жобаны құрайды. 

Бұдан басқа, биыл елімізде алғаш рет Екібастұз қаласындағы «Даму» жекеменшік қаржы ұйымы арқылы несиелендіру тетігі банктерге балама ретінде іске асырылды. Алдын ала нәтижелер көресеткендей, бұл несие алу рәсімдерін жеңілдетуге ықпал етті және өз ісін енді бастаған кәсіпкерлер үшін қаражаттың қолжетімділігін арттырды. 

 

Ауыл шаруашылығы: техника мен жаңа кәсіпорындар салуға субсидиялар 

Биыл Павлодар облысы 35%-ға дейін ауыл шаруашылығы техникасын субсидиялады, оның 10%-ы 347 АӨК субъектісі бойынша 848,1 млн теңге сомасына жергілікті бюджет есебінен өтелді (РБ  25%).

АӨК саласында 30 млрд теңге сомасына 70-тен аса инвестициялық жоба іске асырылуда. Оның ішінде 600 басқа арналған «Astyk Pv» ЖШС заманауи сүт кешенінің, 19 мың тоннаға арналған «Андас» ШҚ , 12 мың тоннаға «Крон Агро» ШҚ ЖШС көкөніс қоймасы құрылысы аяқталды, «Greenhouse-Qaztomat» ЖШС жылыжай кешені өзінің өндірісін 31,5 га дейін ұлғайтты. 

Сонымен қатар сүт-тауарлық фермаларының құрылысы жүргізілуде — 1000 басқа «Галицкое» ЖШС, 600 басқа «Луганск», 1000 басқа «Крон Агро» ШҚ ЖШС, 600 басқа «Үштерек и К» ЖШС, 600 басқа «Жаңа қала» ШҚ ЖШС.

Облыста алғаш рет Павлодар ауданында күркетауық етін өндіретін Turkey-pvl ЖШС фермасын салу бойынша жоба іске асырыла бастады. 

Жалпы, облыс бойынша ауыл шаруашылығының негізгі капиталына тартылатын инвестициялар көлемінің артуы байқалады: 10 айдың қорытындысы бойынша өткен жылдың көрсеткіші 2,4 есеге артты. Нәтижесінде бір бюджеттік теңгеге агроөнеркәсіптік кешенде орта есеппен 4 теңге жеке инвестиция тартылатын болады.

Қазіргі кезде жалпы құны 25,5 млрд теңге болатын 73 инвестициялық жоба бойынша жұмыстар жүргізілуде. Оның ішінде 6 млрд теңгеге 33 нысан енгізілді. 

Суармалы алқаптар көбеюде. Биыл алқаптар көлемін 30 мың га арттыру жоспарына қол жеткізілді, ал жалпы, 2022 жылға қарай суарылатын алқаптар 145 мың га дейін ұлғайтылады. 

Статистикалық мәліметтерге сәйкес, ауыл шаруашылығында 65,4 мың адам немесе жалпы жұмыспен қамтылғандардың 16,8% еңбекпен қамтылған. 

Экспортқа бағдарланған кәсіпорындар саны артуда, олар жалпы сомасы $11 млн жуық болатын 25 мың тоннадан аса ауыл шаруашылығы өнімдерін және оның өңделген өнімдерін экспорттады, бұл өткен жылғы деңгейден 15,4%-ға артық. 

Павлодар облысының кәсіпорындары мал шаруашылығы және өсімдік шаруашылығы өнімдерін экспорттайды. 

Өсімдік шаруашылығы өнімдері 536,7 мың тонна көлемінде экспортталған, оның ішінде:

  • астық – 346 870,1 тонна;
  • ұн – 11732 тонна;
  • картоп – 73451 тонна;
  • көкөніс – 31134 тонна;
  • түрлі жармалар – 16808, 2 тонна;

Мал шаруашылығы өнімдері 2 261,8 тонна көлемінде экспортталды, оның ішінде:

  • барлық ет түрлері – 249,9 тонна;
  • жартылай дайын ет өнімдері – 816,7 тонна;
  • шұжық өнімдері – 64,4 тонна;
  • ет консервілері – 3,2 тонна;
  • сүт өнімдері – 841,6 тонна;
  • тауық жұмыртқасы – 8 172,2 мың дана.

 

Егін орағы уақытында аяқталды: астық 10% артығымен жиналды

Жаздың ауа-райының қолайсыздығына қарамастан, егін жинау жұмыстары уақытылы аяқталды. Егістік алаңы 1097,8 мың га құрады, бұл өткен жылмен салыстырғанда 87,3 мың га немесе 8,6% артық.

Дәнді дақылдар 785,8 мың га алқапта жиналды, жалпы егін 822,5 мың тонна немесе өткен жылғыдан 10% артық, орташа өнімділік 10,5 ц/га.

Майлы дақылдардың жалпы өнімі 132,3 мың тоннаны құрады, орташа өнімділік 6,3 ц/га, картоп – 100 мың тонна (309 ц/га), көкөністер – 209 мың тонна (319 ц/га), бақша дақылдары – 85,40 мың тонна (301 ц/га).

Малдың сәтті қыстауы үшін шөп 1341 мың тонна немесе жоспардың 147% (2018 жылы 1290 мың тонна), пішендеме 60,5 мың тонна немесе 111% (2018 жылы 53,4 мың тонна) жиналды.

 

Инфрақұрылымды дамыту: 710 км жол жөнделді

«Нұрлы жол» бағдарламасы бойынша облыс аумағы арқылы өтетін Орталық – Шығыс дәлізінің құрылысы аяқталуға жақын. Енді Павлодар облысынан елордаға 3,5 сағатта жетуге болады.

Биыл облыста жолдарды жөндеуге ерекше назар аударылуда. 64 млрд теңгеге 710 шақырым жол жөнделді (оның ішінде республикалық маңызы бар трассаларды қоса алғанда).

Биыл Павлодар облысында «Нұрлы жол» бағдарламасы аясында жалпы ұзындығы 347 км, жалпы сомасы 12,1 млрд теңгеге 34 жергілікті автокөлік жолы жобасы жүзеге асырылуда.

Бүгінгі күні «Жақсы және қанағаттанарлық жағдайдағы облыстық және аудандық маңызы бар автомобиль жолдарының» үлесі 2019 жылғы мақсатты индикаторға жетті — 82,6% (3150 км).

Жол учаскелерінде жоспарланған барлық жөндеу жұмыстары уақытында аяқталып, пайдалануға берілді.

Реконструкциялау жұмыстары аясында жалпы ұзындығы 27,84 км болатын 5 жоба іске асырылды:

  • «Шакат – Шығыс – Шалдай» автомобиль жолын реконструкциялау, 86,8-94 км (7,2 км).
  • 4,94 км «Чернорецк – Ольгино – Успенка – Шарбақты» автожолының 25-37 км қайта құру (12 км) — 2020 жылға өтетін нысан;
  • «Чернорецк – Ольгино – Успенка – Шарбақты» автожолын реконструкциялау 37-43 км (6 км);
  • «Панфилово – Бестөбе» автожолын реконструкциялау 42-49 км (7 км).
  • 2,7 км «Панфилово – Бестөбе» автожолын реконструкциялау 36-42 км (6 км) — 2018 жылдан бері жалғасып жатқан нысан.

Осымен үшінші жыл қатарынан облыста жүк көліктерін қайта жүктеу бойынша белсенді жұмыс жүргізілуде. Сонымен, ауыр жүктермен жұмыс жасайтын үш арнайы жабдықталған жылжымалы посттар сатып алынды. Бұл шараның арқасында негізгі трассаларды қанағаттанарлық жағдайда ұстауға болады.

Бүгінгі таңда «жақсы жолдардың» үлесі 82,6% құрайды. Келесі жылы бұл көрсеткіш 85% дейін жеткізіледі.

Сонымен бірге, қоғамдық көлікті жаңарту мәселелері шешілуде. Биыл облыс орталығының автобус паркі 76%-ға жаңартылды, бұл ел бойынша орташа деңгейден асады. Қала мен ауыл тұрғындарын тасымалдаумен айналысатын 10 электробус пен 20 дизельді автобус сатып алынды.

Павлодарда трамвай жүйесі сақталған және дамуын жалғастыруда. 2 жыл ішінде трамвай паркі 23 жаңа вагонмен толықтырылды. Өңір әкімдігі болашақта экологиялық қауіпсіз қоғамдық көлікті пайдалану жақсы нәтиже беретініне сенімді.

Экология туралы айта отырып, аймақта экология мәселесі ерекше бақылауда екенін атап өткен жөн, шығарындыларды азайту және жасыл көшеттерді ұлғайту шаралары қабылдануда. Қоршаған ортаны қорғау шараларын орындауға өнеркәсіп кәсіпорындары жыл сайын шамамен 14 млрд теңге бөледі. Сонымен қатар, Президенттің тапсырмасы бойынша Павлодар облысы әкімдігі кәсіпорындармен бірге нақты көрсеткіштермен аймақтағы экологиялық жағдайды жақсарту бойынша іс-шаралар жоспарын жасады.

 

Ауылда да инфрақұрылым дамуда

Елбасы Жолдауының міндеттері аясында жаңа «Ауыл – ел бесігі» жаңа арнайы жобасы іске қосылды. Осы жылы бағдарлама 26 мың адамнан астам халқы бар 4 аудан орталығын қамтыды. 9 әлеуметтік нысан мен 43 шақырымнан астам жол жөнделді.

Үкіметтің қолдауының арқасында ауылдарды орталықтандырылған сумен қамтамасыз ету көрсеткіші жыл сайын артып келеді. Егер 2016 жылы бұл көрсеткіш 19,8% болса, бүгінде ол 40%-ды құрады. Жыл басынан бері 495 шақырым су құбыры желісі тартылды. 37 мыңнан астам ауыл тұрғындары сапалы ауыз сумен қамтамасыз етілді.

Келесі жылдан бастап жергілікті бюджет есебінен 200-ден аз халқы бар шағын ауылдарда кешенді блок-модульдерді орнату жоспарлануда.

Жалпы, алдағы екі жылда облыс ауылдарды сумен қамтамасыз ету бойынша орташа республикалық көрсеткішке қол жеткізуді жоспарлап отыр (62,5%).

 

Облыста тұрғын үй құрылысы қарқынды түрде жүргізілуде: жыл соңына дейін 1399 пәтердің кілті табысталады

Есепті мерзімде облыста 178 мың шаршы метр тұрғын үй пайдалануға берілді, бұл өткен жылғы деңгеймен салыстырғанда 11% жоғары.

10 көпқабатты тұрғын үйдің құрылысы аяқталды. 272 отбасы пәтер кілттерін алды, ал жыл соңына дейін тағы 1399 отбасы алады.

Павлодар әуежайының аумағында 55 жеке тұрғын үйдің құрылысы аяқталуда. Ақсу қаласында жеке құрылыс салушылар есебінен көп балалы отбасылар үшін 28 екіпәтерлі үйлер салынуда.

«Бақытты отбасы» бағдарламасы тұрғын үй алудың жаңа мүмкіндіктерін ұсынады. Облыста 158 отбасы осы бағдарламаның қатысушысы болды. Бұл көп балалы отбасылар (28), мүмкіндігі шектеулі балаларды тәрбиелеп отырған отбасылар (30) және толық емес отбасылар (100). Жыл соңына дейін 100-ге жуық отбасы жеңілдетілген несие алады.

Осы жылы мұғалімдерге, дәрігерлерге және полиция қызметкерлеріне «тұрғын үй сертификаттары» беріле бастады.

Президенттің әлеуметтік осал санаттағы азаматтарды тұрғын үймен қамтамасыз ету туралы тапсырмасын орындау мақсатында республикалық бюджеттен қосымша 1,2 млрд теңге бөлінді.

Екібастұздағы 448 көп балалы отбасы мен Ақсуда 70 отбасы жаңа пәтер кілттерін алды. Биыл біз көп балалы отбасыларды Нұр-Сұлтаннан және жұмыс күші артық өңірлерден көшіру туралы жаңа Nurly Ertis жобасын жүзеге асыруда Президент пен Үкіметтің қолдауына ие болдық.

Екібастұзға 235 отбасы немесе 1303 адам қоныс аударды, олардың ішінде 862-сі бала.

Олардың барлығы дерлік көп балалы отбасылар. Қазір барлық еңбекке қабілетті қоныс аударушылардың тұрақты жұмысы және тұрақты табысы бар. Балаларға балабақшалар мен мектептерде орындар қамтамасыз етілген.

Әр отбасы жайлы пәтерлерге көшірілді. Біз одан әрі салуға дайынбыз, қаржыландырумен қамтамасыз етілген. Инженерлік магистральды желілері және дайын әлеуметтік инфрақұрылымы бар үйлер салуға дайын учаскелер бар.

2017-2018 жылдар аралығында «Нұрлы жер» тұрғын үй құрылысы бағдарламасы (бұдан әрі – Бағдарлама) аясында 2 459 пәтерге арналған 26 көп пәтерлі тұрғын үй (несиелік — 17 (1375 ш), жалға берілетін — 5 (400 ш), «Бәйтерек Девелопмент» желісі бойынша — 4 (684 ш.) берілді.

2019 жылы осы бағдарлама аясында 1 198 пәтерлік 14 көппәтерлі тұрғын үйдің құрылысы және реконструкциясы (несиелік — 9 (720 ш.) Сарыарқа шағын ауданында, жалға берілетін — 5 (478 ш.) қарастырылған, оның ішінде 5 тұрғын үй 2020 жылы жалғасады.

Сондай-ақ, ағымдағы жылы облыстық бюджет қаражаты есебінен Екібастұз қаласында (10 тұрғын үй) және Ақсу қаласында (4 тұрғын үй) 14 жалдамалы тұрғын үй құрылысын бастау жоспарлануда, оның аяқталу мерзімі — 2020 жыл, оның 11-і «Нұрлы Ертіс» жаңа бастамасы аясында.

Сонымен бірге, облыс орталығында әуежайы аймағында бірдей сәулеттік стильдегі (1, 2, 3, 4 типті) 73 пәтерлі 55 несиелік үйдің құрылысы жүргізілуде. Қазіргі уақытта 18 пәтер пайдалануға берілді (1 тип).

Көп балалы отбасыларға арналған бағдарлама бойынша баспана алу үшін жыл соңына қарай 150 отбасы баспанамен қамтамасыз етіледі. Қазіргі уақытта Екібастұз және Ақсу қалаларында 87 көп балалы отбасыға пәтер беріледі.

Қазақстан Республикасы Үкіметінің қаулысымен «Нұрлы жер» мемлекеттік тұрғын үй құрылысы бағдарламасы «7-20-25» бағдарламасының нормаларын ескере отырып қайта қабылданды. Осы бағдарлама арқылы өткізу үшін бүгінде облыста 196 пәтер бар (Павлодар қаласында — 133, Екібастұз қаласында — 63). 

Қазіргі уақытта облыста «7-20-25» бағдарламасы бойынша екінші деңгейлі банктер жалпы сомасы 2,3 млрд теңгеге 308 өтінімін қабылдады, оның ішінде жалпы сомасы 1,1 млрд теңгеге 149 мақұлданды.

Павлодарлық дәрігерлерге аймақтағы жұмыс берушілерден алғашқы жарнаны субсидиялау үшін он екі «тұрғын үй сертификаты» берілді.

Ағымдағы жылдың 10 айында облыста барлық қаржыландыру көздері есебінен пайдалануға берілген тұрғын үй көлемі 178,3 мың шаршы метрді немесе 2018 жылдың сәйкес кезеңімен салыстырғанда 111,2% құрады.


9 айдағы орташа айлық жалақы 13% артты

Өңірдегі экономикалық өзгерістермен қатар азаматтардың әл-ауқатын көтеру және әлеуметтік мәселелерді шешу бойынша көптеген жұмыстар атқарылуда.

Жалпы, әлеуметтік мәселелерді шешуге бюджеттен 52 млрд-тан астам теңге бөлінді. Жаңа форматтағы атаулы әлеуметтік көмек 8609 отбасыға төленді.

Жұмыспен қамту шаралары 20 мыңнан астам жұмыссыздарды және өзін-өзі жұмыспен қамтығандарды қамтиды. Жыл басынан бері 12 мыңнан астам жаңа жұмыс орны құрылды, оның ішінде 9 мыңға жуығы — тұрақты.

Еңбек нарығында белсенді шараларды жүзеге асыру жұмыссыздық деңгейін 4,7% дейін төмендетуге мүмкіндік берді.

І жарты жылдықта нақты ақшалай табыстардың 9,2%-ға өскені байқалады, 9 айдағы орташа айлық жалақы 13%-ға (154713 теңге) өсті.

2019 жылдың өткен кезеңінде 29743 жоспарымен 28916 адам (97,2%) белсенді жұмыспен қамту шараларымен қамтылды, оның ішінде: 1035 адам ТжКБ-мен кадрларды даярлауға жіберілді, 2517 адам қысқа мерзімді кәсіптік оқумен қамтылды. Барлығы 20 463 адам жұмысқа орналастырылды, оның ішінде жұмыс берушілердің бос жұмыс орындарына 14 938 адам, әлеуметтік жұмыс орындарына 1475 адам, кәсіптік білім берудің 804 түлегі жастар практикасына жіберілді, 3246 адам қоғамдық жұмысқа тартылды.

«Бастау Бизнес» жобасы бойынша 2274 адам кәсіпкерлік негіздеріне оқытылды, 484 адам шағын несие алды, 606 адам жаңа бизнес идеяларды жүзеге асыру үшін 100 АЕК-ке дейін мемлекеттік гранттар алды, 638 адам 200 АЕК дейін алды.

Еңбек ресурстарының өңіраралық ұтқырлығын арттыру аясында этникалық қазақтардың арасынан 450 адам (93 отбасы) оралмандарға арналған өңірлік қабылдау квотасына қосылды, республиканың жұмыс күші көп аймақтарынан 2691 адам (538 отбасы) қоныс аударушыларды қабылдауға арналған өңірлік квотаға енгізілді.

 

Облыста үш ауысымды және апаттық мектептер жоқ

Білім беру саласында көп балалы және аз қамтамасыз етілген отбасылардың балаларына қолдау шаралары қарастырылған, оның ішінде ақысыз жол жүру және балабақшаларға бару қамтылған.

Көптеген жылдар ішінде 3 жастан бастап балаларды мектепке дейінгі білім берумен 100% қамту қамтамасыз етілді.

Павлодар облысы әкімдігінде атап өтілгендей, облыста үш ауысымды және апаттық мектептер жоқ.

Білім беру қызметтерінің сапасын жақсарту үшін ұйымдар желісі кеңеюде.

Екібастұздың Солнечный ауылында 420 орындық мектептің құрылысы аяқталды. Павлодар қаласында тағы 2 мектептің құрылысы басталды.

Биыл аз қамтылған және көп балалы отбасылардың барлық балалары ыстық тамақпен қамтамасыз етілген. Ал келесі жылдың қаңтар айынан бастап 1-4 сыныптардағы барлық оқушылар ыстық тамақпен тегін қамтамасыз етіледі. Бұл — 51 мыңнан астам бастауыш сынып оқушысы.

Қала мектептерінде мектеп шкафтары біртіндеп орнатыла бастады.

Екібастұзда өңіраралық оқу орталығының құрылысы аяқталуға жақын. Бүгінде орталықты ERG компаниясының басқаруына беру туралы келіссөздер жүргізілуде.

Студенттерді жатақханамен қамтамасыз ету шаралары жүргізілуде.

Павлодар педагогикалық университетінің базасында МЖӘ тетігі арқылы 167 орындық жатақхана пайдалануға берілді. Жыл соңына дейін Павлодар және Ақсу қалаларында колледж студенттері үшін әрқайсысы 200 орындық тағы екі жатақхана пайдалануға беріледі.

Келесі жылы Торайғыров атындағы Павлодар мемлекеттік университеті және ПМПУ-де әрқайсысы 500 орындық жатақханалардың құрылысы аяқталады.

2019 жылы білім беру жүйесін қаржыландыруға 85,7 млрд теңге қарастырылған. 2019 жылғы 1 қарашадағы жағдай бойынша 68,8 млрд теңге немесе қаржыландыру жоспарының 80,3% игерілді. Білім беру нысандарын дамытуға 5,2 млрд теңге қарастырылған.

Күрделі жөндеуге — 0,6 млрд теңге.

Мектептерді компьютерлік техникамен қамтамасыз ету мәселесіне келетін болсақ, орта есеппен бір компьютерге бес оқушыдан келеді, ал ауылда – үштен астам. 357 мектеп немесе 100% кең жолақты Интернетке қосылған.

 

Денсаулық сақтау саласында оң өзгерістер байқалады

Биыл саланы қаржыландыру шамамен 11,3 млрд теңгені құрады.

Бір айдың ішінде жаңа онкологиялық диспансердің құрылысы аяқталады. Павлодар облыстық онкологиялық диспансер директорының емдеу жұмысы жөніндегі орынбасары Тельман Әлғожиннің айтуынша, жаңа онкологиялық диспансерде 300-ге жуық қызметкер жұмыс істейтін болады.

«Павлодар облысы үшін жаңа онкологиялық орталықты салу қажеттілігі бұрыннан туындады, оған себеп – аурудың өсуі мен өңірде жақсы анықталуы. Қазіргі уақытта ескі диспансер бейімделген ғимаратта орналасқан. Жаңа онкологиялық орталықтың салынуы ауданды кеңейтіп қана қоймайды, сонымен бірге, емдік, диагностикалық көмектің көлемін арттырады. Жаңа диспансерге желілік жеделдеткіш жеткізіледі, ол бүгінде сәулелік терапиямен онкологиялық науқастарды емдеудің алтын стандарты болып табылады. Павлодар облысында мұндай аппарат болған жоқ», — деді Т. Әлғожин.

Облыста жалпы 32 МЖӘ жобасы жүзеге асырылуда, жасалған келісімшарттар бойынша шамамен 15 млрд теңгеге жуық жеке инвестиция тартылды. Іске асыру үшін 30-дан астам жоба жоспарланған.

Облыста міндетті әлеуметтік медициналық сақтандыру негіздерін түсіндіру жұмыстары жалғасуда. Медициналық ұйымдардың холлындағы барлық телеэкрандарда МӘМС туралы бейнероликтер көрсетіледі. Ақпараттық стендтерде екі тілде материалдар, парақшалар орналастырылған. Қабаттарда «Аппарат» бұрыштары бар, онда бланктер мен түсіндірме әдебиеттерден тұратын өнімдер орналастырылған. Медициналық қызметкерлер мен пациенттер арасында «Міндетті әлеуметтік медициналық сақтандыруды енгізуді іске асыру барысы. Қорға салымдар» тақырыбында ақпараттық-түсіндіру жұмыстары тұрақты түрде жүргізілуде. 

Сондай-ақ, медицина қызметкерлері аймақ тұрғындарымен жұмыс жасайды, ұйымдарға, мектептерге, балабақшаларға, ірі және орта кәсіпкерлік ұйымдарына барады, жарналардағы өзгерістерді түсіндіреді. Ең жиі қойылатын сұрақ: тегін медициналық көмектің кепілдік берілген көлеміне не кіреді? Халық МӘМС бойынша әр сұраққа толық жауап алады.

Жалпы алғанда, жыл басынан бері Штаб мүшелері әлеуметтік медициналық сақтандыру қорымен бірлесіп ақпараттық-түсіндіру жұмыстары бойынша 442 622 семинар өткізді. 2019 жылдың басынан бастап жалпы қамту 588 226 адамды құрады, бұл 18 жастан асқан ересек тұрғындардың 96% құрайды.

Міндетті медициналық сақтандырудан түскен жалпы кіріс 10,4 млрд теңгені құрады.

Павлодар облысы медициналық көмектің кепілдік берілген көлемінің жаңа моделіне және МӘМС пакетіне 2020 жылдың 1 қаңтарынан бастап көшуге дайын.

 

Өңірде цифрландыру қалай жүргізілуде 

Барлық денсаулық сақтау және білім беру нысандары Интернет кеңжолақты желісіне қосылған, жылдамдығы 4 Мбит/сек және одан жоғары. Жұмыс орындары компьютерлік техникамен жарақталған. Облыс мектептері 100 пайыз Wi-Fi рұқсат нүктесімен қамтамасыз етілген. Тұрғындардың басым бөлігі App Store және Play Market дүкендерінен жүктелетін мобильді қосымшаларды белсене пайдаланады. ДамуМед, ИндигоПавлодар (платформа для постановки учета ребенка в детские сады) мобильді қосымшалары зор сұранысқа ие. Тұрғындар EgovKzBot телеграм каналы арқылы онлайн режимінде 14 мемлекеттік қызмет түрін алады.

Облыс мектептері «Күнделік» бірыңғай ақпараттық жүйесіне және www.bilimland.kz, www.itest.kz, www.imektep.kz, www.twig-bilim.kz инновациялық білім беру порталдарына қосылған. Жалпы, Павлодар облысында 317 мектепте (87,5%) мектептерге электронды қабылдау енгізілді, 358 (90,1%) мектепке дейінгі ұйымдарда автоматтандыру жүйесі енгізілді.

Облыстың 52 мектебінде заманауи «Teacher's office» мұғалімдер кабинеттері бар. Еуропалық стандарттарға сәйкес бағдарламалау дағдыларын үйрету үшін балаларға 29 АТ сыныптары ашылған, олардың 18-і ауылдық мектептерде орналасқан. Бүгінгі таңда облыстың жалпы білім беретін мектептеріндегі АТ сыныптардың 63 мұғалімі Инновациялық Еуразия университетте алдыңғы қатарлы білім деңгейінен өтті.

Павлодар облысында 5 STEM зертханасы ашылды. Оның 4-і — демеушілік қаражаттан, 1 — әкімдік грантынан.

Павлодар облысында барлығы 361 елді мекен бар. Оның 100 пайызы телефондандырылған. 347 елді мекен Интернетке қосылған, 14-і CDMA EVDO технологиясын қолданумен қамту аймағынан тыс болғандықтан қамтылмаған. 332 — ұялы байланыспен қамтамасыз етілген. Облыстың 29 елді мекені ұялы байланыспен қамтылмаған.

Агроөнеркәсіптік секторда 15 мемлекеттік қызмет электронды форматта көрсетіледі. Дәлме-дәл егіншіліктің элементтерінің бірі болып табылатын егіс алқаптарының электрондық карталарын жасау аясында 2019 жылы 1,74 млн га жер цифрландырылды немесе егілген егістіктің 100%. Цифрлық ферманың 11 элементі құрастырылды, оның ішінде Интернет, GPS-трекерлер, отын шығынын өлшейтін датчиктер, агрометеостанциялар, тұқым мен тыңайтқыштарды сараланған енгізу және т.б.

Павлодар қаласының қоғамдық көліктері 100% GPS-трекерлермен жарақтандырылған.

 

Баянауыл ауданында туризмді дамыту бойынша үлкен жоспарлар бар 

Баянауылда спорт туризмін дамыту үшін тау шаңғысы кешенінің жобасы іске асырылды.

Баянауыл курорттық аймағында жыл бойғы режимді дамыту мақсатында Мырзашоқы тауының етегінде тау шаңғысы кешені салынды. Трассаның ұзындығы — 960 м, болашақта 15 км-ге дейін ұлғайту жоспарда бар. Мырзашоқы тауының етегіндегі ұзындығы 960 м болатын арқан жолы осы қыста бес мыңға дейін туристерді қабылдай алады.

Жалпы, облыста көптеген қасиетті жерлер орналасқан Баянауыл ауданында туризмді дамытудың үлкен жоспарлары бар.

Көптеген жылдар бойы жергілікті тұрғындар мен қажылыққа баратын адамдар қасиетті орынға — Мәшһүр Жүсіп атындағы кесенеге баратын жолдың жоқтығына наразылық білдірді. Осы жылы 90 шақырымға жуық жол бюджет қаражаты есебінен толықтай қайта құрылды. Келесі жылы туристік аймақтардың біріне — Қоңыр Әулие үңгіріне тағы бір жолды жөндеу жоспарланған.

Туристерге ыңғайлы болуы үшін Баянауыл ауылында шағын авиацияға арналған ұшу-қону жолағымен және екі тікұшақ алаңымен аэродром салынды.

Сонымен қатар, демалыс аймағында су құбыры құрылысы аяқталуда, Жасыбай көліне дейін электр беру желісінің құрылысы жүргізіліп жатыр. Баянауыл курорттық аймағы Қазақстан Республикасының туристік картасының басым 10 аймағының қатарына енді.

Биыл жаңа туристік нысандар ашылды — 120 орындық «Золотые пески» демалыс үйі және 84 орындық «Баянтау» қонақ үй кешені, Жасыбай демалыс аймағындағы кафе, Торайғыр көліндегі шатырлы лагерь және Тұзқала көліндегі «Tuzcity» этно-ауылы. 

Орналастыру орындарында ішкі және сырттан келушілер туризмі бойынша қызмет көрсетілгендердің жалпы саны 2019 жылғы қаңтар-маусымда 58 468 адамды құрады, бұл 2018 жылдың сәйкес кезеңіне (56303 адам) қарағанда 3%-ға көп.

Осы жылдың II тоқсанының қорытындысы бойынша өңірде 108 орналастыру орны тіркелді, нөмірлердің жалпы саны — бір реттік сыйымдылығы тәулігіне орташа 5 926 теңге болатын 7 962 төсек орнына арналған 2 951 бірлік. 2018 жылдың дәл осы кезеңінің қорытындысы бойынша орналастыру орындарының саны 101 бірлікті құрады, онда 2828 бөлме бар, ал бір жолғы сыйымдылығы орташа құны 5 933 болатын 7 004 төсек.

Облыс орталығында ішкі туризмді дамытуға баса назар аударылады. Биыл қаланың басты көрікті жері — Жағалау, ол одан әрі ұзарып, «Гусиный перелет» ескерткішіне жетті. Қазір оның ұзындығы 6 шақырымнан асады. Бұл тұрғындар үшін ғана емес, қала қонақтарының да сүйікті орнына айналды. Екінші жыл қатарынан «Ertis Promenadе» орталық сахнасында облыстың барлық негізгі іс-шаралары, оның ішінде эстрада жұлдыздарының концерттері өтеді.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу